Føroya Handverksmeistarafelag skipaði í farnu viku fyri einum kunnandi tiltaki fyri uml. 100 næmingum á NámX. Tiltakið hevði til endamáls at vísa á týdningin av læruplássi sum næsta stig í yrkisleiðini.
Magni á Lakjuni, vararektari á Glasi, setti tiltakið, og yrkislærd frá vinnuni greiddu frá týdninginum av at vísa áhuga og hava rætta hugburð til arbeiði. Hjørdis Zachariasen frá Yrkisdeplinum greiddi frá yrkisútbúgvingarskipanini.
Luttakararnir vóru:
- Lasse Lauritsen, gartnari, Hjálpirót
- Heri Kjerbo, HR-leiðari, Articon
- Dánjal Skorá, rør- og blikksmiður, Demich
- Heðin Hansen, bilsmiður, og Símun Benix Laursen, bilsmíðlærlingur, Reyni Service
- Ransin Djurhuus, málarameistari, RND
- Jens Mohr, maskinsmiður, og Tóki Blástein, maskinsmiðlærlingur, Mest
- Bárður Einarson Hansen, elektrikaralærlingur, LM Electric
- Hjørdis Zachariasen, vegleiðari, Yrkisdepilin
Næmingarnir lurtaðu eftir framløgum og settu spurningar til handverkararnar, ið løgdu dent á týdningin av góðum samstarvi og álitisvekjandi hugburði. Tiltakið vísti, at lærupláss er ein vegur til spennandi arbeiðs- og útbúgvingarmøguleikar, bæði heima og uttanlands.
NámX og Handverksmeistarafelagið vísa við hesum tiltaki á týdningin av samstarvi millum skúla og vinnu fyri at styrkja framtíðar starvsfólk. Tiltakið hevur verið sera væl móttikið og gevur næmingum nýtt innlit og íblástur til teirra lívsleið.
Deil á Facebook
