Sambært skrásetingunum hjá Granskingarráðnum hava ellivu føroyingar lokið ph.d.-prógv í 2024. Av hesum hava átta verið innskrivað uttanlands, tvey í Føroyum og ein dupultinnskrivað í Føroyum og Danmark. Fýra av verkætlanunum eru stuðlaðar av Granskingarráðnum.
Jóhannus Kristmundsson var fyrsti at verja sína ph.d.-ritgerð í 2024. Hann vardi ritgerðina 1. mars á Fróðskaparsetrinum við tí navninum: Real time Non-Invasive Salmon Monitoring in Offshore Fish Farms. Hansara verkætlan fekk stuðul frá Granskingarráðnum.
Rúni Bláfoss vardi sína ph.d.-ritgerð 8. mars á Syddansk Universitet. Ritgerðin kallast Daily fluctuations in low-back pain, fatigue, and stress among warehouse and construction workers.
Rannvá Dahl vardi 16. apríl sína ritgerð á Københavns Universitet. Verkætlanin kallast Insulin stimulation of L-carnitine uptake in skeletal muscle in patients with primary carnitine deficiency and the metabolic state of the skeletal muscle og var stuðlað av Granskingarráðnum.
Eina H. Eliasen vardi sína ph.d.-ritgerð 19. apríl á Fróðskaparsetrinum. Ritgerðin hevur heitið: Multidimensional Assessment of Health Among Older Faroese Adults – The Faroese Septuagenarin Cohort og var stuðlað av Granskingarráðnum.
Torkil Veyhe vardi sína ritgerð 26. apríl á Syddansk Universitet. Ritgerðin kallast Design of Looped Wire Rope Connections between Concrete Wall-Elements: Experimental Investigation and Establishment of Mechanical Model for the Anchorage Capacity of Looped Wire Ropesin.
Sigri M. Gaïni vardi sína ph.d.-ritgerð 6. mai á Fróðskaparsetrinum. Ritgerðin nevnist: Freedom of Speech, Hate Speech and Democratic Formation – On the double function of hate speech legislation and its relation to freedom of political speech og var stuðlað av Granskingarráðnum.
Bjørk K. Sofíudóttir vardi sína ph.d.-ritgerð 14. mai á Syddansk Universitet. Ritgerðin kallast: Detection of interstitial lung disease in rheumatoid arthritis: diagnostic tests and prognostic value.
Karina Poulsdóttir Debes vardi sína ph.d.-ritgerð 12. juni á Københavns Universitet við ritgerðini: Post-infarction myocardial function and the impact of SGLT2 inhibitors and obesity in porcine models.
Kristina Hoydal vardi sína ritgerð 4. oktober á VID Stavanger. Hennara verkætlan kallast: Hverdagsliv i bofelleskap for unge voksne med funksjonsnedsettelse – fysisk utforming, teknologi og praksis.
Hergeir Teitsson vardi sína ph.d.-ritgerð 18. oktober á DTU Space við ritgerðini: Geoid Determination for Precise Satellite Height Measurements.
Tummas Napoleon Arge vardi 26. november sína ph.d.-ritgerð á DTU Physics við ritgerðini: Squeezed light generation on thin film lithium niobate.
Deil á Facebook
