Løgtingsmaðurin Bárður á Lakjuni úr Fólkaflokkinum hevur sett skrivligar spurningar til landsstýrismannin Djóna N. Joensen um gongdina hjá lesandi føroyingum í Danmark og fráflyting.
Bárður á Lakjuni vil hava at vita, hvussu nógvir føroyingar hava lisið í Danmark og í Føroyum hvørt einstakt ár seinastu tíggju árini, sambært tølum frá Hagstovuni, og hvussu hesar tøl samsvara við tølini hjá Studna.
Seinastu tíðina hevur verið nógv kjak um fráflyting, ofta nevnt Exit Føroyar, eins og tað var fyri einum tíggju árum síðan.
Hagtøl frá Hagstovuni vísa sambært KvF, at talið á føroyingum í Danmark í skúlaárinum 2022/2023 var 1.865. Tøl frá Studna fyri seinastu tíggju árini vísa, at talið á lesandi føroyingum í Føroyum er økt við 22 prosentum, frá 838 til 1.026, meðan talið á lesandi í Danmark er minkað við 49 prosentum, frá 1.423 niður í 732.
Bárður á Lakjuni vil hava at vita, hvør orsøkin kann vera til munin í tølunum frá Hagstovuni og Studna, og hann spyr eisini, hvussu tølini samsvara í samband við fráflyting.
Lækkingin á 27 prosent í talinum av føroyingum, sum lesa hægri útbúgving, hevur havt ávirkan á samfelagið, og tí er týdningarmikið at fáa greiðu á hesum málinum.
Bárður á Lakjuni bíðar nú eftir svari frá landsstýrismanninum fyri at fáa eina greiðari fatan av gongdini í talinum av lesandi føroyingum og fráflyting. Hann sigur, at tað er týdningarmikið at fáa staðfest, um tølini eru røtt, og hvussu tær ymsu frágreiðingarnar samsvara við veruligu støðuna hjá lesandi føroyingum í Føroyum og Danmark.
Deil á Facebook
