Klaksvíkar kommuna hevur lagt uppskot fram um broytingar í almennu byggisamtyktini fyri kommununa. Endamálið er at dagføra ásetingartekstin í samsvari við Føroysku Bygningskunngerðina (BK17), sum gevur meira tíðarhóskandi og viðkomandi ávísingar til bygging og nýtslu.
Eisini verða nýggjar ásetingar lagdar aftrat, millum annað um girðingar, lýsing av vegaøki og heimildir fyri nýtslu av fríøkjum.
Stórur partur av økisásetingunum í kommununi er uendurskoðaður, og reguleringar eru gjørdar í mun til BK17, nýtslulýsingar, fjølbroyttar bústaðarloysnir og smærri búeindir. Nøkur økismørk eru tillagað, so tey samsvara betur við verandi nýtslu.
Tilfar um broytingarnar kann síggjast alment í Miðlan í Klaksvík fram til 1. juli 2025, og á heimasíðuni www.klaksvik.fo. Møgulig mótmæli ella broytingaruppskot skulu latast kommununi í seinasta lagi 22. juli 2025.
Vísandi til løgtingslóg um býarskipanir og byggisamtyktir verða møgulig mótmæli, sum býráðið ikki tekur við, send landsstýrismanninum til góðkenningar.
Broytingarnar fevna um alla kommununa, tó eru onkrar økisásetingar ikki tiknar við í hesi hoyring, tí tær eru enn til viðgerðar.
Deil á Facebook
