Føroya Tele hevði eitt gott 2024 við stórum fíggjarligum og tøkniligum frambrotum. Avlopið eftir skatt var 33,1 milliónir krónur, ein vøkstur á sløk 64 prosent samanborið við 2023.
Eigarin, Føroya Landsstýri, fær 35 milliónir krónur í vinningsbýti. Samtaksnevndin er væl nøgd og fegnast um kósina undir Kristian R. Davidsen, sum vendi aftur sum samtaksstjóri í 2024.
Ein nýggj fjarskiftiskaðalkanning nærkast endanum, og nevndarformaðurin, Bjarni Arnason, staðfestir, at Føroya Tele stendur sterkt sum ein týðandi samfelagslegur.
Trygdin og støðugleikin eru raðfest við nýggja Ericsson-farnetinum og útbyggingini av fipur.
– Fipur er ikki bara skjótt internet. Tað er framtíðargrundarlagið undir virksemi í húsarhaldum, vinnulívi og heilsuverkinum,” sigur Kristian Davidsen.
Føroya Tele minkaði CO₂-útlátið við 22 prosentum í 2024 við grønum orkukeldum og umhvørvisvinarligum átøkum. Nevndarformaðurin vísir á týdningin av at halda eina trygga kós í skiftandi tíðum:
– Vit skulu altíð vera eitt stig frammanfyri, tá talan er um trygdina, sigur hann.
Allir nevndarlimirnir halda fram eftir aðalfundin í dag. Samtaksnevndin er mannað við fýra limum, sum Føroya Landsstýri velur, og trimum starvsfólkavaldum limum.
Í nevndini eru Bjarni Arnason, formaður, Johnni M. Poulsen, næstformaður, Lena L. Mohr og Annbritt Tummasdóttir Nielsen, sum eru tilnevnd av landsstýrinum. Ólavur Simonsen, Levi T. Nybo og Janus Djurhuus eru starvsfólkvald umboð.
Deil á Facebook
