Stjórnarleiðarar úr Føroyum, Danmark, Íslandi, Grønlandi og Norra hava í dag fund í Tinganesi um trygdarstøðuna í Norðuratlantshavi og Arktis. Talan er um ein fund, sum varð brádliga settur á skrá, tí spenningurin í økinum er vaksin munandi.
Danski forsætisráðharrin, Mette Frederiksen, segði við Kringvarpið á veg til fundin, at støðan er hættislig, og at hóttanin úr Russlandi er verulig. Hon vísti á, at Russland avvísir vápnahvíld í Ukraina og roynir at destabilisera samfeløg okkara við cyberálopum og sabotagu av kritiskum undirstøðukervi.
Íslendski forsætisráðharrin, Kristrún Frostadóttir, legði sambært Kringvarpinum dent á, hvussu umráðandi tað er, at londini í Norðuratlantshavi standa saman og vísa sterka fyristøðu í nærumhvørvinum.
Fundurin er eitt slag av økistrygdarráði, har londini í ríkisfelagsskapinum saman við Noreg og Íslandi kunnu styrkja samstarvið.
Mette Frederiksen vísti á, at NATO varðar av økinum, og at hon hevur tosað við leiðaran í Kanada um felags ábyrgdina fyri trygdini í Norðuratlantshavi.
Stjórnarleiðararnir hittast, tí londini í økinum ynskja størri fokus og tættari samskifti um trygdarpolitisk viðurskifti. Norski forsætisráðharrin, Jonas Gahr Støre, er við á fundinum gjøgnum netið.
Stjórnarleiðararnir fara av landinum longu seinnapartin í dag.
Deil á Facebook
