Sambandsflokkurin heldur landsfund á Salt í Suðuroy leygardagin 15. mars. Floksformaðurin, Bárður á Steig Nielsen, setur fundin og greiðir frá politisku støðuni. Fundurin verður stroymdur á Facebook hjá Sambandsflokkinum.
Landsfundurin byrjar við aðalfundi, og síðan leggur Bárður á Steig Nielsen formansfrágreiðingina fram. Eftir tað verður politiskt orðaskifti, har veljarafeløg og sambandsfólk sleppa til orðanna.
Eftir matarsteðgin verður kjak um Suðuroyartunnilin við Teitur Samuelsen, stjóra í tunnilsfelagnum, og Søren Bruhn, stjóra í Suðuroyar Sparikassa.
Gestarøðarin er Troels Lund Poulsen, formaður í Vinstra og síðan verður kjak um framtíðar ríkisfelagsskapin í einum broyttum heimi við Troels Lund Poulsen, Bárði á Steig Nielsen og Erhard Joensen.
Deil á Facebook
