Fíggjarmálaráðið sent eitt uppskot ti hoyringarum broytingar í Eftirlønarlógini, sum skal lætta um umsitingina av eftirlønarskipanini fyri borgarar og Taks.
Uppskotið inniheldur fleiri broytingar:
- Heimild fyri frítøku í sambandi við tíðaravmarkað starv verður strikað. Ístaðin skulu persónar, sum hava verið í Føroyum í upp til 60 mánaðir, kunna fáa útgoldið sína eftirløn, hóast teir ikki hava nátt fólkapensjónsaldur.
- Taks fær heimild til at flyta inngjøld, sum standa á depotkonto, til góðkendar eftirlønarveitarar, um persónar ikki stovna eftirlønarkonto innan tríggjar mánaðir.
- Persónar við eftirlønarskipan uttanlands, sum ikki rinda lógarkravdu upphæddina, kunnu rinda munin í Føroyum.
- Møguleiki verður givin til at flyta ella savna saman eftirløn hjá einum veitara.
Treytirnar fyri at fáa eftirløn útgoldna eru, at persónurin hevur uppihildið sær í Føroyum í mesta lagi 60 mánaðir og ikki longur arbeiðir ella hevur uppihald í Føroyum. Taks skal bara eftirkanna treytirnar um tíðarskeið, og skattafrádráttur verður ikki broyttur aftur í tíð.
Fíggjarmálaráðið metur, at broytingarnar fara at lætta um umsitingina og gera tað smidligari at arbeiða við eftirlønarskipanum, sum halda føroyskum krøvum. Lógaruppskotið verður nú viðgjørt í Løgtinginum.