Uppskot um at fáa heilsutrygdargjald afturgoldið

Landstýriskvinnan í heilsumálum, Súsanna Bertholdsen, hevur lagt uppskot fyri løgtingið um afturrindan av heilsutrygdargjaldi.

Sambært uppskotinum kunnu føroyingar, sum hava goldið heilsutrygdargjald í bæði Føroyum og í øðrum Norðurlandi frá 1. novembur 2014 til 2023, fáa hetta gjaldið afturgoldið. Hetta er sambært Nordisk konvention om social sikring, sum sigur, at borgarar ikki skulu rinda til sosiala skipan í fleiri enn einum landi.

Lógin fer at kosta landinum og kommununum umleið 22,4 milliónir krónur. Taks skal brúka umleið 7 starvsfólk til at viðgera umsóknirnar, sum fer at taka orku frá vanligum virkseminum.

Lógaruppskotið er í samsvari við Nordisk konvention om social sikring og aðrar millumtjóðasáttmálar.

Eftir uppskotinum hevur umsøkjari skyldu at senda inn skjalprógv fyri, at hann hevur rindað sosialtrygdargjald í øðrum Norðurlandi.