UArctic-ráðstevnan verður hildin í Føroyum í 2026 og fer at savna millum 600 og 1000 luttakarar úr universitetum, felagsskapum og vinnulívi við áhuga fyri Arktis. Tiltakið verður skipað av Fróðskaparsetri Føroya í samstarvi við Landsstýrinum og Havstovuni og er eitt risalop fyri føroyska gransking og útbúgving.
Anna Sofía Lava, samskipari á Setrinum, vísir á, at tiltakið gevur Føroyum høvi at vísa fram viðkomandi gransking og teir fyrimunir, ið fylgja við avbyrgdum samfeløgum:
– Hóast vit eru eitt lítið land, so eru vit før fyri at skipa fyri einum tiltaki í hesi støddini, sigur hon.
Bergur Djurhuus Hansen, dekanur á Føroyamálsdeildini, heldur, at ráðstevnan knýtir sambond og styrkir føroyska leiklutin í arktiskari gransking:
– Vit í Føroyum eru virkin partur av arktiskari gransking á altjóða stigi, har gransking og politikkur renna saman, sigur hann.
Tiltakið kann eisini gera Føroyar meira lokkandi, tá tað snýr seg um granskingarstuðul, og styrkir samstundis altjóða samstarv. Magni Mohr, prorektari á Setrinum, væntar, at ráðstevnan fer at menna samstørv og geva Fróðskaparsetrinum altjóða viðurkenning.
Elsa Berg, borgarstjóri í Havn, vísir á, at tiltakið stuðlar menningini av Havnini sum universitetsbýi og skapar framstig innan burðardygd og nýskapan. Hon leggur aftrat:
– Vit eru púra klár til at hýsa einum tiltaki í hesi støddini.
Elsa Berg sigur eisini, at nýggja høllin við Tjarnir hevur óførar umstøður, og býurin er væl fyri at taka ímóti altjóða luttakarum. Føroyar verða settar á kortið sum ein livandi vitnisburður um arktiskar avbjóðingar og loysnir.
Deil á Facebook
