16 fótbóltsvenjarar eru farnir undir at taka A-venjaraskeið hjá Fótbóltssambandinum Føroya.
Skeiðið byrjaði fyrr í august og tekur umleið hálvt annað ár. Tað er hægsta venjaraútbúgving innan føroyskan fótbólt og gevur luttakarunum møguleika at menna sínar førleikar á hægsta stigi.
Skeiðið er samansett av bæði teori og praksis. Dentur verður lagdur á leikgreining, venjingarætlanir, leiðslu og samskifti.
Luttakararnir koma úr ymiskum feløgum kring landið og hava longu royndir sum venjarar.
Endamálið er at lyfta venjarastøðið og skapa betri karmar fyri menning av spælarum og feløgum.
Tey fáa undirvísing, verkætlanir og praktiska venjing, og stuðul frá royndum mentorum.
Við hesum skeiði verður enn ein týðandi grundarsteinur lagdur í framtíðina hjá føroyskum fótbólti.
Á myndini sæst, at millum tey, sum taka A-venjaraskeið, eru Pól Thorsteinsson, venjari hjá FC Suðuroy í Betrideildini, Jákup Thomsen, HB-leikari, Niels Pauli Danielsen, EB/Streymaleikari og Arnbjørn Hansen, fyrrverandi Betrideildarleikari
Deil á Facebook
