383 hava søkt um lestrarpláss á Setrinum í ár. Tað er umleið tað sama sum í fjør, tá ið talið var 379.
KT-verkfrøði hevur fingið fleiri umsóknir. Í ár hava 35 søkt, samanborið við 15 í fjør.
Masterútbúgvingin í Leiðslu og Skipan hevur eisini fingið fleiri umsóknir. 22 hava søkt í ár, samanborið við 15 í 2023.
Læraraútbúgvingin hevur fingið 18 færri umsóknir enn í fjør. Tó hevur hon 55 umsóknir, og tað er meira enn nóg mikið til tey 35 plássini.
Námsfrøðiútbúgvingin fekk 42 umsóknir. Tað eru trý fleiri enn í fjør. Eisini verður arbeitt við einari nýggjari diplomútbúgving í Námsfrøði til fólk, sum eru í starvi.
Masterlestur í Føroyskum hevur bert fingið eina umsókn í ár. Orsøkin kann vera, at fá søktu á bachelorútbúgvingina fyri nøkrum árum síðan. Men nú tykist “vend vera komin í, tí 14 søktu í fjør og 16 í ár.
Lestrarskrivstovan viðger nú umsóknirnar. Svar fæst fríggjadagin 11. juli.
Og frá fyrst í august ber til at søkja aftur, har tøk pláss eru. Umsóknarfreistin tá verður á midnátt 13. august.
Innleiðsla fyri nýggju lesandi verður mánadagin 18. august.
| Útbúgvingar | 2025 | 2024 |
| – B.A. í Føroyskum | 16 | 14 |
| – B.A. í søgu | 5 | 6 |
| – B.Ed. sum fólkaskúlalærari | 55 | 73 |
| – B.Ed. sum námsfrøðingur | 42 | 39 |
| – B.S.Sc. í samfelagsvísindum | 9 | 8 |
| – B.S.Sc. í stjórnmálafrøði | 8 | 15 |
| – B.Sc. í búskaparfrøði og virkisfrøði | 19 | 24 |
| – B.Sc. í KT-verkfrøði | 35 | 15 |
| – B.Sc. í Sjúkrarøktarfrøði, summar | 41 | 40 |
| – B.Sc. í Sjúkrarøktarfrøði, vetur | 28 | 42 |
| – B.Sc. í lívfrøði og B.Sc. í mýlalívsvísindum | 30 | |
| – B.Sc. í verkfrøði | ||
| – B.A. í listaligum arbeiði | ||
| – Bachelor í løgfrøði | 54 | 58 |
| – Diplom í web-menning | 4 | 3 |
| – Hjánám í føroyskum | 1 | 4 |
| – Hjánám í samfelagsfrøði | 4 | |
| – Hjánám í søgu | 2 | |
| – M.A. í Føroyskum | 1 | 6 |
| – M.A. í løgfrøði | 8 | 3 |
| – M.A. í søgu | 2 | 3 |
| – Embætisprógv í lóg | 13 | |
| – M.Sc. í heilsuvísindum | 28 | |
| – M.S.Sc. í samfelagsvísindum og stjórnmálafrøði | 15 | 16 |
| – M.Sc. í dátuvísindum | 12 | 16 |
| – Master í leiðslu og skipan | 22 | 15 |
| Tilsamans | 383 | 379 |
*Tølini við skákskrift vísa útbúgvingar, sum seinast høvdu upptøku í 2023, so hesi tølini telja ikki við í samlaða talinum av umsóknum fyri 2024. Tó eru tey við fyri at kunna samanbera einstøku útbúgvingarnar eisini
Innleiðsludagur í Kongshøll á Fróðskaparsetri Føroya í august í fjør. Her eru tað starvsfólk á Lestrarskrivstovuni, sum taka ímóti og skriva nýggj lesandi inn
Deil á Facebook
