Í gjár fóru nakrir bussar suður við Smyrli, tí brennievni er enn at fáa í Suðuroynni, men tá hesir skuldu norður aftur, so sluppu teir ikki við og vórðu standandi á Krambatanga, og har standa teir enn.
Strandferðslan sigur, at undantaksloyvið til fulla sigling við ferðafólki og akførum, ið Strandferðslan hevur frá arbeiðarafeløgunum í verkfalli, verður nú broytt, so at øll akfør longri enn sjey metrar, ið ferðast við Smyrli á Suðoyarleiðini, skulu hava undantaksloyvi til hesa ferðing frá arbeiðarafeløgunum í verkfalli.
Undantikin hesa áseting eru sjúkrabilar og neyðsynjarakfør.
Broytingin fekk gildi á midnátt, klokkan 00:00, náttina til mikudagin hin 29. mai.
Deil á Facebook
