Liverpool forvann 735 millónir í bólkspælinum í Champions League

Tað eru sera nógvir pengar í fótbólti á hægsta stigi. UEFA hevur gjørt upp, hvussu nógv tey 36 liðini í stóra bólkaspælinum í Champions League forvunnu upp á bólkaspælið.

Liverpool er ovast á inntøkulistanum í Champions League við eini inntøku upp á 735 milliónir krónur. Hetta kemst av nýggju kappingarskipanini, har 36 lið nú kappast í einum stórum bólki í staðin fyri gamla bólkaspælinum við fleiri bólkum.

Feløgini fáa inntøkur frá fleiri keldum. Eitt startgjald á 138,77 milliónir krónur, marknaðarpengar grundaðar á sjónvarpsrættindi, stuðul út frá 10 ára koefficientinum, úrslitum í dystum og bonus fyri at røkka víðari í kappingini.

Barcelona og Inter eru nummar tvey og trý á inntøkulistanum. Eisini smærri feløg sum Dinamo Zagreb og Crvena Zvezda hava fingu stórar inntøkur, ávikavíst 273,59 milliónir krónur og 211,99 milliónir krónur.

Komandi mánaðarnar verður farið undir avgerandi dystirnar í Champions Legue, og vinnarin av Champions League kann fáa eina samlaða inntøku á yvir 1,1 milliard krónur.

Champions League inntøkur ( í milliónum krónum)