Úrslit frá vetrarrenning á Sandi

Í gjár varð fimta umfar av vetrarkappingini í renning, Raska VK5, runnin á Sandi.

Tað gjørdist Karoline Ejby Stengaard úr Bragdinum, sum vann kvinnurenningina við tíðini 32:57.1, meðan Rutt Hjelm Gregersen úr Treysti og Ann Thomsen úr Bragdi fylgdu ávíkavist á øðrum og triðja plássi.

Hjá monnunum gjørdist Jacob Ejby Stengaard úr Bragdinum vinnari við tíðini 28:36.4, meðan Rógvi Kárason og Oliver Granhøj, báðir úr Bragdi, endaðu á øðrum og triðja plássi.

Hendan vetrarrennikappingin verður vanliga runnin í Hoydølum í Hoyvík. Men nú tað er munandi lættari at koma til Sandoyar, valdi fyriskiparin, at rennast skuldi heima á Sandi.

Kappingin byrjaði uttan fyri ítróttahøllina á Sandi. Síðan var runnið teir 9 kilometrarnar niðan í Traðardal, fram við Sandsvatni og yvir á Eystanvegin, áðrenn teir vendu aftur móti málinum við høllina.

Vetrarkappingini VK4 – Á Sandi – 9 kilometrar – Kvinnur

Vetrarkappingini VK4 – Á Sandi – 9 kilometrar – Menn