Átta finalistar í Sement 2025 leygarkvøldið

Finalan í tónleikkappingini Sement 2025 verður leygarkvøldið, og Tórsgøta skrivar á Facebook, at tað verður eitt brak av einum kvøldi við breidd og dýpd í føroyskum tónleiki.

Finalistarnir eru:​​​ Hans Andrias​​, Óli, Ronja, Bolstad, Karla Hansen, Jarzhe, Ókendir og Tunghoyrt

– Nú verður tað alvor, og finalistarnir brúka komandi dagarnar til at fínpussa tær seinastu detaljurnar, so tú fært eina so góða uppliving sum gjørligt, skrivar Tórsgøta.

– Hetta kvøldið verður eitt innlit í framtíðina hjá føroyskum tónleiki. Og tú kanst vænta tær alt frá singer-songwriter og R&B til hip hop, indie og metal. Líkamikið, hvussu kræsin tíni oyru eru, so verður heilt sikkur okkurt, sum tær dámar, skrivar Tórsgøta.

‍