Landsbankin hevur ávarað um vandar í sambandi við stórar verkætlanir, serliga í málinum um Suðuroyartunnilin.
Í grein á heimasíðu Landsbankans verður víst á, at strategisk misrepresentatión er ein vanligur trupulleiki í verkætlanarleiðslu. Tað merkir, at upplýsingar verða tilvitað skeiklaðar fyri at fáa eina verkætlan samtykta. Í hesum føri verður kostnaðurin av Smyrli yvirdrivin, meðan kostnaðurin av Suðuroyartunlinum verður undirdrivin.
Landsbankin mælir til, at óheftir ráðgevarar verða settir at eftirkanna metingar og upplýsingar í málinum um Suðuroyartunnilin.
Harumframt eigur politiski myndugleikin at tryggja, at allar upplýsingar eru opnar og gjøgnumskygdar, so borgarar kunnu hava álit á teimum. Sum nú er, liggja nógvir av upplýsingunum í P/F Suðuroyartunnil, sum ikki er fevnt av almennum innliti.
Deil á Facebook
