Articon byggir nýggjan skrivstovubygning hjá Thor

Arbeiðið hjá Articon við nýggja skrivstovubygninginum hjá Thor á Óðinshædd í Havn gongur væl

Allir kjallaraveggir og lendisgólvið eru stoypt, og á 1. hædd eru nú deltabjálkar settir upp, og holdekk eru løgd omaná. Hesir deltabjálkar eru gjørdir úr umhvørvisgóðum endurnýtslustáli.

Bygningurin er í trimum hæddum. Í kjallaranum eru servararúm, tøknirúm, goymslurúm og arkiv.

Á 1. og 2. hædd, sum eru innrættaðar líka, eru skrivstovur, fundarhøli, vesirúm, goymslurúm og matarhøli.

Bygningurin er 38 metrar langur og 16 metrar breiður og verður upphitaður við jarðhita. Bygningurin skal standa liðugur i mai 2026.