Vágs Kommuna hevur sett upp ein nýggjan hjartastartara við Sandin. Hetta er eitt týðandi stig fyri at tryggja, at borgarar hava skjóta atgongd til neyðug hjálpartól í einari neyðstøðu.
Vágs kommuna skrivar á heimsíðu síni, at hjartastartarar eru sera umráðandi, tá ið eitt hjartastopp hendir. Teir kunnu bjarga lívum, um teir verða nýttir rætt og skjótt.
Í Vágs kommunu eru fleiri hjartastartarar settir upp, og hetta er fyri at tryggja, at í einari neyðstøðu, so skal tað ganga skjótt. Tí er tað av alstórum týdningi, at hjartastartarar eru lætt atkomuligir.
Inni á heimasíðuni hjartastartari.fo eru fleiri hjartastartarir skrásettir, og tann nýggjasti í Vágs Kommunu verður skrásettur á síðuni.
Vágs Kommuna ætlar at seta fleiri hjartastartarar upp komandi tíðina, sigur borgarstjórin Bjarni Johansen.
Deil á Facebook
