Hondbóltskvinnurnar í HM-bólk við Montenegro, Spania og Paraguai

Fyri fyrstu ferð nakrantíð var eitt føroyskt landslið við í lutkastinum til HM í einum stórum liðítrótti, og spenningur var sjálvandi stórur um, hvørjum Føroyar fóru at koma í bólk saman við.

Føroyar vóru í styrkisbólki 3, og skuldu í HM-bólk D saman við einum liði úr styrkisbólki 1, einum úr styrkisbólki 2 og einum úr styrkisbólki 4.

Úrslitið gjørdist, at Føroyar komu í bólk við Montenegro úr styrkisbólki 1, Spania úr styrkisbólki 2 og Paraguai úr styrkisbólki 4.

Føroyar spæla sínar dystir í týska býnum Trier nærhendis markið við Luksemborg.

HM-endaspælið verður í Týsklandi og Niðurlondum frá 26. novembur til 14. desembur.

32 lond fara at kappast um heimsmeistaraheitið, harav 18 eru úr Evropa.

Bólkarnir í HM í kvinnuhondbólti 2026

Bólkur A

• Danmark
• Rumenia
• Japan
• Kroatia

Bólkur B

• Ungarn
• Sveis
• Senegal
• Iran

Bólkur C

• Týskland
• Serbia
• Ísland
• Uruguai

Bólkur D

• Montenegro
• Spania
• Føroyar
• Paraguai

Bólkur E

• Niðurlond
• Eysturríki
• Argentina
• Egyptaland

Bólkur F

• Frakland
• Pólland
• Tunesia
• Kina

Bólkur G

• Svøríki
• Brasil
• Kekkia
• Kuba

Bólkur H

• Noreg
• Angola
• Suðurkorea
• Kasakstan