Eiðis kommuna skrivar, at staðarnavnanevndin hjá Eiðis kommunu í eina tíð hevur arbeitt miðvíst við at skráseta og talgilda staðarnøvn.
Arbeiðið er nú komi so mikið langt, at tey skrásettu nøvnini eru almannakunngjørd og kunnu síggjast á almenna kortinum yvir Eiðis kommunu.
Kommunan sigur, at í fyrstu syftu er talan um Kollin, nakað av bygdini, fjøruni og økið Niðri á Vatni.
Kortið verður dagført so hvørt sum fleiri staðarnøvn leggjast afturat.
Almenna kortinum yvir Eiðis kommunu sæst her.
Møguligar viðmerkingar til nøvnini kunnu sendast til stadarnavn@eidi.fo.
Deil á Facebook
