Løgtingsmaðurin Steffan Klein Poulsen hevur sett landstýrismanninumí lógarmálum, Bjarna Kárasyni Petersen, ein skrivligan fyrispurning um, hvørt Føroyar fara at seta í gildi reglur, ið líkjast donsku “logningsbekendtgørelsen”.
Hendan kunngerðin krevur, at telesambands- og internetveitarar goyma upplýsingar um, hvør samskiftir við hvønn, nær og hvar – tó ikki innihaldið í samskiftinum, men so nevnt metadata.
Orsøkin er, at tað við dynamiskum IP-adressum er torført at fylgja sporunum hjá netbrotsmonnum, um dátur ikki verða loggaðar.
Í Danmark verður hetta nýtt sum liður í at basa álvarsomum kriminaliteti, millum annað yvirgangi og barnaporno.
Steffan Klein Poulsen vil hava at vita, um og nær somu skipan verður sett í gildi í Føroyum.
Deil á Facebook
