TAKS hevur set met í skattarættingum fyri 2024.
Tilsamans eru rættingar gjørdar fyri stívliga 291 milliónir krónur. Tað er tað størsta nakrantíð, og gevur landskassanum eina nettoinntøku á 82 milliónir afturat.
Flestu rættingarnar er hjá feløgum, sum hava fingið:
- 109 milliónir í inntøkuskatti
- 96 milliónir í kapitalvinningsskatti
- 60 milliónir í veiðirættindaskatti
- 7 milliónir í avgjøldum
Hjá einstaklingum vórðu rættingar gjørdar fyri góðar 19 milliónir. Her vóru:
- 8,7 milliónir í inntøkuskatti
- 8,9 milliónir í kapitalvinningsskatti
- 1,5 milliónir í rentustuðli og ferðastuðli
Stjórin í TAKS, Eyðun Mørkøre, sigur at 291 milliónir er størsta rætting, tey nakrantíð hava gjørt.
– Tað vísir, at eftirlitið virkar, og at vit hava dugnalig fólk á uppgávuni – og tað eru vit errin av, sigur Eyðun Mørkøre
Hann leggur afturat, at árið 2024 vísir, hvussu týðandi tað er við eitt nútímans og vælvirkandi eftirliti.
Deil á Facebook
