Friðargonga verður í Havn hósdagin 24. juli klokkan 18.00. Tað eru Føroyinar fyri friði, sum bjóða øllum til friðargongu. Gongan byrjar á Vaglinum og gongur út í Tinganes, umvegis Amtmansborgina, og niðan aftur á Vaglið.
Við tiltakinum verður kallað til vón, frið og samkenslu. Jógvan Fríðriksson, biskupur, og Zaid Al-Jay, ættaður úr Irak, siga nøkur orð. Elin Brimheim Heinesen syngur sangir við friðarboðskapi.
Fyriskipararin, Henrik Weihe Joensen, sigur at síðan seinastu friðargongu eru kríggini bara økt í vavi, og fleiri ósek hava mist lívið.
Gongan vil varpa ljós á vápnahvíld og friðartilgongdir og boða politisku stjórnunum frá, at økt vápnadubbing eigur at steðga. Eisini verður sagt, at kríggj kunnu elva til fólkamorð, sum Holocaust dagurin minnir okkum á.
Øll eru vælkomin, uttan mun til átrúnaðarliga ella politiska støðu, at vísa samkenslu við fólkinum í Ukraina, Ísrael, Palestina og øðrum krígsraktum londum. Fløgg og ljós kunnu takast við, sum ímynda eina vón um frið.
Tíðindaskrivið endar við hesum orðum:
Á bonaðum gólvum ílatin vápnaklædning.
Á stirvnum krígsfløtum ílatin líkverju.
Gævi mótsetningar kunnu hittast í øðrum búna!
Deil á Facebook
