Føroyar vunnið flest heiðurmerki higartil

Eftir annan kappingardag á Oyggjaleikum eru Føroyar fremstar á heiðursmerkjalistanum.

Føroyar hava vunnið heili 17 gullmerki, 10 silvurmerki og 6 bronsumerki.

Serliga fimleikararnir gjørdu hol í sjógvin fyrsta dagin og vunnu 9 gull, 3 silvur og 2 bronsu.

Hjá monnunum vann føroyska liðið gull, Rókur Sumbert Vestergaard vann tvey gullmerki á gólvi og í beinsveiggi og eitt silvurmerki í paralellari barr. Torleivur Christiansen vann gull ringunum, og Ari Poulsen vann gull í lopi. Eisini vann Bjarki Johannesen silvur í rekk.

Hjá kvinnunum vann føroyska liðið eisini gull. Mia Højgaard vann gull í lopi og bita, og bronsu á gólvinum. Marin Danielsen vann gull í gólvi. Oddvør Alberta Kimsdóttir vann silvur á gólvi. Og Ronja Johannessen vann deilt triðja pláss í lopi.

Eisini Bogaskjúttarnir gjørdu eitt ordans hál í gjár og vunnu fimm gull og eitt silvur.

Anja Eydnudóttir vann compound hjá kvinnum. Hjá monnum vunnu liðini í compound og recurve bæði gull. Harafturat vunnu Hans Petur Højgaard og Nikkel Petersen gull í ávikavist recurve og compound. Eisini vann Jóannes Poulsen silvur í compound.

Svimjararnir eru eisini altíð góður fyri fleiri heiðursmerki og í gjár vórðu tað til 2 gull, 3 silvur og 3 bronsu.

Líggjas Joensen vann gull í 1500 metra frísvimjing og nummar trý gjørdist Silas Dam Lindberg. Ísak Brisenfeldt vann gull í 200 metra firvald og silvur í 200 metra blandaðari svimjing. Alisa Vestergård vann silvur í 200 metra frísvimjing, og Lea Osberg Højsted vann bronsu í 50 metra ryggsvimjing. Eisini vann føroyska kvinnustafettin bronsu í 4X50 metra frísvimjing.

Fræslur ítróttur vann eisini trý heiðursmerki. Jónas Gunnleivsson Isaksen endurvann gullið á 400 metrum og Dánjal Dahl Ljósheim vann bronsu í somu kapping. Eisini vann Sunniva Bogadóttir silvur í spjótkasti.

Í súkkling vann Súsanna Skylv Sørensen vann silvur í einkultstarti hjá kvinnum.

Í badminton taptu Føroyar finaluna í liðkappingini 3-2 móti Grønlandi .

Bjarnhild í Buð Justinussen og Miriam í Grótinum vunnu tvímansleikin hjá kvinnum 2-0, og Rúni Øster og Miriam í Grótinum vunnu blandaða tvímansleikin 2-1.

Í einmansleiki hjá monnum tapti Christian Berg Petersen 2-0, og tað sama gjørdi Sanna Thorkildshøj í einamansleiki hjá kvinnum. Eisini taptu Magnus Dal-Christiansen og Rúni Øster tvímansnleikin hjá monnum

Heiðursmerkjatalva 15. juli 2025