Champions League 1. umfar, seinni dystur
Lincoln Red Imps – Víkingur 1-0 (0-0) (Samanlagt: 4-2)
Víkingur megnaði ikki at vinna móti Lincoln niðri á Gibraltar, og eru tí úti úr Champions League fyri hesaferð. Víkingur skal nú spæla í 3. undanumfari í Conference League í august.
Føroyameistararnir taptu báðar dystirnar móti Lincoln Red Imps, hóast teir í dystinum í dag høvdu fleiri vandamiklar støður. Jákup Johansen rakti yvirleggjaran, og Sølvi Vatnhamar var nær við at javna í 2. hálvleiki. Í verjustøðu høvdu víkingarnir væl betri tamarhald enn í fyrra dystinum í Klaksvík.
Víkingur royndi at stýra leikferðini, men neyvleikin manglaði ofta í opnum spæli. Teir høvdu tvey fríspørk í góðari støðu og royndu at hótta við deyðbóltsstøðum, men Lincoln stongdi væl av. Tað varð roynt við hornaspørkum og longum innkøstum, men tað var ikki nóg mikið.
Eitt kolldømt mál í yvirtíðini gav vón, men í 95. minutti staðfesti Tjay De Barr 4-2 samanlagt við einum kontraspæli. Besti maðurin í uppgerðini sleit seg leysan og gjørdi endaliga málið, sum strikaði allar vónir um framhald.
Nú bíðar lutakastið i Conference League mánadagin 21. juli. Tað kann gerast seinasta evropeiska umfarið hjá Víkingi í ár, men enn er ein møguleiki at vinna seg víðari.
Champions League 1. umfar, seinni dystur
Lincoln Red Imps – Víkingur 1-0 (0-0) (Samanlagt: 4-2)
Víkingur: Bárður á Reynatrøð – Ari Olsen, Atli Gregersen, Arnbjørn Svensson, Ingi Jonhardsson – Árni Nóa Atlason (84′ Arnór Brandsson), Sølvi Vatnhamar – Poul Kallsberg, Stefan Radosavljevic (63’Jørgen Nielsen), Ragnar Skála (46′ Aron Jarnskor Ellingsgaard) – Jákup Johansen
Deil á Facebook
