Seinasta fimleikakappingin á Oyggjaleikunum í Orknoyggjunum er nú liðug, og fimleikurin hevur aftur í dag vunnið eina rúgvu av heiðursmerkjum.
Í dag var tað finalukapping, har kappast varð í hvørjum amboði sær. Eins og áður vóru kappingarnar sera tættar og spennandi, og okkara fimleikarar megnaðu at fáa heili trettan heiðursmerki í hús, níggjum til menninar og fýra til kvinnurnar.
Rókur Sumberg Vestergaard vann gull í beinsveiggj.
Torleivur vann gull í lopi, silvur í gólvi, og deilt silvur í ringum.
Bjarki Johannessen vann deilt silvur í ringum, silvur í lopi og bronsu í rekk.
Bjarti Skylv Hansen vann bronsu í parallel barr.
Mia vann gull í forskotnari barr, deilt gull í lopi og silvur á gólvi.
Marin vann gull á gólvi.
Bjarki í Jákupsstovu vann bronsu í beinsveiggj.
Deil á Facebook
