Fjarhiti minkar oljunýtsluna á Landssjúkrahúsinum við við einari millión litrum

Landssjúkrahúsið skal hava fjarhiti og bindast í fjarhitanetið hjá Fjarhitafelagnum.

Avtalan millum Landssjúkrahúsið, Landsverk og P/F Fjarhitafelagið fer at leggja ein stóran part av oljunýtsluni á Landssjúkrahúsinum um til fjarhita. Tað fer at minka oljunýtsluna við umleið einari millión litrum árliga.

Leiðingin verður løgd av Frælsinum til hitamiðstøðina á Eirargarði. Hitaveitingin skal verða klár tíðliga í 2026.

Súsanna Bertholdsen, landsstýriskvinna í heilsumálum, sigur, at við hesari avtaluni tryggja vit bæði eina umhvørvisvinarliga orkuloysn og eina støðuga veiting.

Avtalan gevur Landssjúkrahúsinum eina grøna og álítandi orkuskipan. Samstundis kann Fjarhitafelagið brúka avlopsorku frá hitamiðstøðini.

Á myndini frá vinstru: Hákun Djurhuus Jacobsen, orkufrøðingur hjá Landsverki, Sigurð Ó. Vang, deildarleiðari á Verkætlanardeildini á Landsverki, Hans Christian Dam, stjóri í Fjarhitafelagnum, Súsanna Bertholdsen, landsstýriskvinna í heilsumálum, Annita á Fríðriksmørk, forkvinna í Fjarhitafelagnum, Steinar Eirikstoft, forstjóri í Sjúkrahúsverkinum og Jóan Símun Saltá, depilsleiðari á Tænastudeplinum á Landssjúkrahúsinum.