Glyvrabáturin, Sølmundur og Drekin vunnu langteinaróðrarnar

Glyvrabáturin hjá NSÍ, Sølmundur hjá NSÍ og Drekin hjá Havnar Róðrarfelag vunnu hvør sín bólk í langteinaróðrinum á Skálafjørðinum í dag.

Glyvrabáturin var skjótastur í bólkinum 6 mannafør menn yvir 18 ár við tíðini 30:06.497. Sølmundur vann hjá kvinnum yvir 18 ár við 34:22.934, og Drekin hjá Havnar Róðrarfelag kom fyrstur á mál í bólkinum 5 mannafør menn undir 18 ár við tíðini 32:12.036.

Hetta var ein nýggj og øðrvísi uppliving, har kappróðursbátarnir royndu seg á einum longri teini enn vanligt.

Róðrarsamband Føroya og Skála Róðrarfelag skipaðu fyri róðrinum og løgdu dent á, at tryggleikin var í hásæti. Sjálvboðin stimaðu runt á leiðini fyri at tryggja, at alt gekk sum ætlað.

Myndir: Kappróðrarfelagið NSÍ og Róðrarsamband Føroya