B36 Varpið nr. 71 – Aftur um endurreisingina av KÍ

B36 Varpið hesuferð var eitt gestavarp, har vit fortaldu søguna um ferðina hjá KÍ úr næstbestu deildini til at gerast tað dominerandi felagið í føroyskum fótbólti. Gestur var Tummas Lervig, formaður í KÍ. Prátað varð um tey hørðu árini, har lítið og onki gekk eftir vild hjá KÍ. Um tey stóru tøkini, sum skuldu takast fyri at skapa eitt betri fíggjarligt grundarlag fyri fótbóltinum í Klaksvík. Og vit hoydu eisini søguna um, tá tað brast fyri nev hjá KÍ, bæði í tí heimligu kappingini og í europeiskum fótbólti. Eisini nortu vit eitt sindur við trupulleikarnar KÍ framvegis hevur við at menna egnar leikarar til besta liðið.