Abigail Mensah úr NSÍ og Bárður á Reynatrøð úr Víkingi eru ársins málverjar hjá ávikavíst kvinnum og monnum.
Ársins málverji hjá kvinnum gjørdist Abigail Mensah úr NSÍ. Hon stóð eitt frálíkt kappingarár í málinum hjá greipuvinnarunum NSÍ.
Abigail Mensah fekk steyp, sum Súsanna Lydersen handaði vegna Norðoya Sparikassa.
Ársins málverji menn
Bárður á Reynatrøð úr Víkingi var valdur til ársins málverja hjá monnum. Hann lat bara 14 mál inn í kappingarárinum og hevði avgerandi bjargingar í avgerandi dystum. Leirvikingurin hevur eisini vunnið sær fast pláss á landsliðnum.
Per Martin Gregersen, borgarstjóri í Eysturkommunu handaði Bárði á Reynatrøð steyp, sum Eysturkommuna hevði latið.
Deil á Facebook
