Enn einaferð er galið við drekkivatninum í Tórshavnar kommunu, og hesaferð er ein rættiliga stórur partur av kommununi raktur.
Bakteriur eru staðfestar í drekkivatninum í Havn, Argjum, Nólsoy, Velbastað og Kaldbak.
Kommunan mælir borgarunum í raktu økjunum um at kóka vatnið, til onnur boð verða givin.
Í Nólsoy, á Velbastað og í Kaldbak umfatar kókitilmælið allar bygdirnar í sínari heild, meðan kókitilmælið í Havn umfatar ein stóran part av Argjum og so at siga allan Vesturbýin.
Tórhavnar kommuna boðar frá, at vatnroyndir verða gjørdar aftur í dag, og at úrslitið av vatnroyndunum er klárt í morgin.
