Alt bendir á, at bilurin, ein Lamborghini, koyrdi alt ov skjótt, tá ið kendi Lierpoolleikarin, Diogo Jota og bróður hansara, André Silva, doyðu í einari ógvusligari ferðsluvanlukku í Spania hósnáttina í seinastu viku.
Spanska løgreglan í Zamora sigur við norska miðilin VG, at alt bendir á at tað var Diogo Jota, sum koyrdi bilin.
Vanlukkan hendi á motorvegnum í Cernadilla, tá teir vóru á veg aftur til Onglands frá feriu. Eldur kom í bilin, tá ið hann koyrdi út av. Vitni boðaðu beinanvegin frá, men lívini hjá brøðrunum kundi ikki bjargast.
Spanska løgreglan arbeiðir framvegis við frágreiðingini, sum skal latast rættinum í Puebla de Sanabria, tá ið hon er liðug.
Leygardagin vórðu Jota og André jarðaðir í heimbygdini Gondomar í Portugal, bert tveir dagar eftir vanlukkuna.
Deil á Facebook
