Arbeiðsloysið var 0,8 prosent í oktober, sum svaraði til 255 fulltíðararbeiðsleys. Sama mánað í fjør var arbeiðsloysið 0,8 prosent við 256 fulltíðararbeiðsleysum.
Ein fulltíðararbeiðsleysur er ein persónur, sum er arbeiðsleysur allan mánaðin. Sum dømi kann nevnast, at eru tveir persónar raktir av arbeiðsloysi ein hálvan mánað hvør, telja báðir samanlagt sum ein fulltíðararbeiðsleysur hendan mánaðin. Í oktober vóru 305 persónar raktir av arbeiðsloysi, sum eru tríggir færri enn í oktober í fjør.
Trettan prosent eru langtíðararbeiðsleys
Myndin niðanfyri vísir, hvussu leingi fólk hava verið rakt av arbeiðsloysi. Í oktober vóru 40 persónar ella 13 prosent av teimum arbeiðsleysu langtíðararbeiðsleys. Tað vil siga, at tey hava verið arbeiðsleys í longur enn eitt ár. Níggju persónar fleiri eru langtíðararbeiðsleysir í oktober í ár samanborið við í fjør. Størsti bólkur av teimum arbeiðsleysu í oktober høvdu verið arbeiðsleys millum ein og tríggjar mánaðar.
Les meira á hagstova.fo
Deil á Facebook
