B36 Jólavarp – Kristjan var formaður í 20 ár

Tað stundar til jóla, og B36 Varpið er í jólahýri. Tí var seinasta sendingin áðrenn jól ikki minni enn 2 tímar. Gestur var Kristjan á Neystabø, sum var formaður í B36 í útvið 20 ár. Sambært Kristjani sjálvum er hetta fyrstuferð hann alment fortelur um sína tíð sum formaður. Vit fóru sjálvandi at práta um endurreisingina av B36, sum hann og Kjartan Mohr, sáli, stóðu á odda fyri frá seinnu helvt av 80’unum og fram til meistaraheitið í 1997. Vit hoyra søguna um ódnartøkini sum vórðu tikin, tá B36 húsið bleiv bygt. Og vit hoyra eisini um upp- og niðurtúrar í 00’unum, tá B36 vunnu tvey meistaraheiti, fyri síðan at fara á húsagang. Hetta og nógv annað var at hoyra í B36 Jólavarpinum hósdagin. Sendingin verður endursend hóskvøldið kl. 23 og sunnudagin kl 13. B36 Varpið í jóla- og nýggjársferiu. Fyrsta sendingin í tí nýggja árinum verður hósdagin tann 23. januar. B36 Varpið er stuðlað av Faroe Ship og Mouritsen’s Bussum.