Betrideildin 11. umfar: HB heldur fram við góðu úrslitunum undir André

HB er ikki at kenna aftur, síðan André Olsen tók yvir kreppurakta HB-liðið frá Adolfo Sormani. Í dag vunnu teir móti NSÍ, sum higartil hevur staðið seg sera væl hetta kappinarárið. Eisini sær venjaraskiftið út til at hava hjálpt hjá 07 Vestur, sum vann annan dystin á rað. KÍ vann lættliga á Tvøroyri, og Víkingur vann eisini sannførandi móti FC Suðuroy. Í gjár spældu B36 og EB/Streymur málleysan javnleik.

NSÍ – HB 0-1 (1-4)
Fyri fáum umførum síðan vann NSÍ 7-1 móti HB í Gundadali. Tað førdi til venjaraskiftið í HB, og síðan hevur HB vent gongdini. Í dag gjørdi HB so bart, tá ið teir aftur spældu móti NSÍ, hesuferð í Runavík. Leikætlanin hjá HB riggaði væl, og tað eydnaðist at steðga álopsmaskinuni hjá NSÍ. Tá ið hálvur tími vann Heini Sørensen eitt bíligt brotsspark, sum hann sjálvur setti í málið.

Í seinna hálvleik legði NSÍ meira trýst á málið hjá HB. Men júst sum nógv bendi á at NSÍ fór at javna, var tað aftur Heini Sørensen, sum økti til 2-0. Løtu seinni økti Sammy Skytte til 3-0, og dysturin var avgjørdur. Aron Knudsen setti eitt lítið sindur av spenningi í í dystin, tá ið hann minkaði til 3-1. NSÍ megnaði tó ikki at leggja trýst á HB, og í yvirtíðini staðfesti innskifti Bartal Páll Klein 4-1 sigurin, sum veruliga staðfestir góðu gongdini hjá HB. NSÍ er hinvegin um at missa sambandi við KÍ á fyrsta plássið og er nú fimm stig aftanfyri. Júst KÍ og NSÍ møtast komandi vikuskifti.

07 Vestur – B68 3-1 (3-0)
Í síðstu viku vann 07 Vestur við fyribils venjara, og í dag vunnu vágamenn aftur við nýggj venjaranum Michael Schønberg, tá ið teir vunnu greit móti B68. Støðan var longu 3-0 í hálvleikinum. Sonni Ragnar Nattestad legði fyri og Mikkel Hyllegaard skoraði tvey. Í seinna hálvleiki minkaði Sebastian Lau Nielsen fyri B68 til úrslitið 3-1.

VÍkingur – FC Suðuroy 3-1 (3-0)
FC Suðuroy stóð leingi móti Víkingi, men tá ið tað skrædnaði, so var ongantíð nakar ivi um úrslitið. Poul Kallsberg skoraði tríggjar ferðir. Beint fyri tíð minkaði Teit Hjelm til 3-1 fyri FC Suðuroy.

TB – KÍ 0-5 (0-2)
Oddaliðið KÍ vann ein greiðan sigur móti TB í Trongisvági. Dagsins maður Árni Frederiksberg legði fyri, tá ið eitt korter var spælt, og ungi Dávid Biskopstø Andreasen økti fyri hálvleik. Dávid Biskopstø Andreasen gjørdi tað til 3-0 í seinna hálvleik, áðrenn gjørdi tað til 4-0 og 5-0.

B36- B68 0-0 (0-0)
Les serstaka dystarfrágreiðing: Dabo brendi tvey brotsspørk í málleysum dysti

Stigatalva Betrideildin menn