Tríggir dystir vóru í Betrideildini hjá monnum í dag. NSÍ vann heili 7-1 á HB, les meira um tann dystin her. EB/Streymur vann 2-1 í móti B36 í Gundadali, og B68 vann 2-1 móti 07 Vestur á Toftum.
Hóskvøldið vann KÍ heili 10-0 móti TB, les meira um tann dystin her.
Heilt óvæntað og ikki heilt í tráð við leikgongdina vann EB/Steymur 2-1 móti B36 í Gundadali. B36 hevði alt spælið, men í einum skjótum mótálopi tíggju minuttir fyri hálvleik skoraði Boubacar Dabo fyri EB/Streym.
B36 stríddist fyri at javna í seinna hálvleiki, men í staðin var tað aftur Boubacar Dabo sum tíggju minuttir inn í seinna hálvleik øtkti til 2-0 til EB/Streym.
Fimm minuttir fyri tíð gav Mattias Weihe Joensen B36 eina vón, men tað komu ikki fleiri mál í dystinum, og EB/Streymur vann trý óvæntað og kærkomin stig.
Á Toftum stóð leingi 0-0. Men Sonni Ragnar Nattestad hjá 07 Vestur var so óheppin at beina bóltin í egið mál, tá ið eit korter var eftir at spæla, og tveir minuttir seinni økti Aleksandur Ólavsson Jensen til 2-0. Jonathan Timothy Flensborg minkaði seint í dystinum til 2-1, sum eisini gjørdist úrslitið.
B68 lyfti seg við sigrinum upp um niðurflytingarstrikuna. Meðan 07 Vestur nú er isolerað niðast í Betrideildini við eittans stigi.
Í morgin klokkan 14.30 spæla FC Suðuroy og Víkingur í Vági.
B68 – 07 Vestur 2-1 (0-0)
Stigatalva Betrideildin menn
| D | V | J | T | VM | TM | MM | S | ||
| 1 | NSÍ | 8 | 8 | 0 | 0 | 40 | 6 | 34 | 24 |
| 2 | KÍ | 8 | 8 | 0 | 0 | 30 | 3 | 27 | 24 |
| 3 | HB | 8 | 5 | 0 | 3 | 18 | 19 | -1 | 15 |
| 4 | B36 | 8 | 4 | 1 | 3 | 14 | 13 | 1 | 13 |
| 5 | EB/Streymur | 8 | 3 | 1 | 4 | 9 | 17 | -8 | 10 |
| 6 | Víkingur | 7 | 2 | 2 | 3 | 6 | 8 | -2 | 8 |
| 7 | B68 | 8 | 2 | 1 | 5 | 7 | 20 | -13 | 7 |
| 8 | FC Suðuroy | 7 | 2 | 0 | 5 | 3 | 14 | -11 | 6 |
| 9 | TB | 8 | 1 | 2 | 5 | 8 | 24 | -16 | 5 |
| 10 | 07 Vestur | 8 | 0 | 1 | 7 | 7 | 18 | -11 | 1 |
Deil á Facebook
