Orsaka av skúlagongd og próvtøkum hava Petra Hoydal og Rakul Sørensen givið avboð til UEFA Nations League kvinnulandsdystirnar móti Moldova og Slovakia. Í staðin hevur Pætur Smith Clementsen, landsliðsvenjari, tikið út Brá Zakariasardóttir, sum spælir fyri Fortuna Hjørring í Danmark, og Malenu Olsen úr KÍ.
Føroyska A-landsliðið við kvinnum hevur tveir dystir eftir at spæla í verandi UEFA Nations League kapping.
Fríggjadagin í næstu viku er útidysturin móti Moldova á skránni, og týsdagin 3. juni spæla Føroyar og Slovakia á Tórsvølli.
Undan dystunum eru Føroyar nummar 2 í bólkinum við 9 stigum. Slovakia er fremst við 12 stigum, Moldova hevur 3 stig, meðan Gibraltar er aftast við ongum stigi.
Stigatalva í Nations League bólki C1
| D | V | J | T | M+ | M- | +/- | Stig | |
|---|---|---|---|---|---|---|---|---|
| Slovakia | 4 | 4 | 0 | 0 | 14 | 0 | +14 | 12 |
| Føroyar | 4 | 3 | 0 | 1 | 8 | 3 | +5 | 9 |
| Moldova | 4 | 1 | 0 | 3 | 1 | 5 | -4 | 3 |
| Gibraltar | 4 | 0 | 0 | 4 | 0 | 15 | -15 | 0 |
Deil á Facebook
