Nes kommuna hevur samtykt at broyta byggisamtyktina fyri neystaøkið í Krabbaurð. Økið, sum áður var merkt sum D øki ti havnarvirksemi, verður nú umskapað til G2 øki, sum gevur loyvi til um loyvi at seta neystið í stand, hækka yvirhæddina, og innrætta tey til frítíðarbústað.
Broytingin kemur av, at neystini ikki longur liggja beinleiðis út til sjógvin, tí bryggja og pakkhús eru bygd frammanfyri. Hetta hevur ført til, at neystini hava staðið óbrúkt og forfallið í mong ár.
Ein av eigarunum hevur spurt um loyvi til at innrætta neystið sum frítíðarbústað og hækka yvirhæddina. Býráðið metir, at hetta kann verða ein loysn, ið gevur økinum nýtt lív.
Umsitingin hjá kommununi heldur, at ein byggibroyting við øktari hædd ikki vil skaða dámin í økinum og ikki órógva grannarnar. Økið hevur stórt alment parkeringspláss beint við, sum kann nýtast meira.
Tilfar, sum lýsir broytingina, liggur frammi á heimasíðuni hjá Nes kommunu og á kommunuskrivstovuni 7. juli. Møgulig mótmæli kunnu sendast skrivliga til Nes kommunu í seinasta lagi 28. juli.
Mynd: Google Street View
Deil á Facebook
