Bakteriur eru staðfestar í drekkivatninum í Havn, Argjum, Nólsoy, Velbastað og í Kaldbak. Tí mælir Tórshavnar kommuna til, at vatnið verður kókað í teimum pørtum av Havnini og Argjum, ið fáa vatn úr Havnardali og í raktu økjunum á bygd.
Á kortinum niðanfyri sært tú, hvørji øki eru rakt av dálkingini.
https://gis.torshavn.fo/dalkad_vatn_alment/
Kókitilmælið stendur við, inntil nærri boð verða givin. Vatnroyndir verða tiknar í hósdagin 7. september, og úrslitini fyriliggja fríggjadagin 8. september.
Vilt tú tryggja tær, at tú altíð verður kunnað um ólag ella broytingar í kommunalu tænastunum, ert tú vælkomin at tekna teg til okkara tíðindabræv. Tað kanst tú gera á forsíðuni her á heimasíðuni.
Kelda: torshavn.fo
