Ein lítil grind var fyrrapartin í dag fráboðað í Vestmannasundi, men hon verður ikki hildin til.
Tað er ikki eydnast FM1 at fáa fatur á Jens Jensen, sum í løtuni røkir sýslumannaembæti í Vága, Sandoyar og Streymoyar sýslum, men vakthavandi á løgreglustøðini váttar, at sýslumaðurin hevur tikið avgerð um at lata grindina sleppa.
Sýslumaðurin hevur tosað við grindaformenninar í Vestmanna og í Leynum, og har er ovmikið av grind í løtuni.
Sýslumaðurin hevur eisini verið í sambandi við Havstovuna, sum hevur sýnt áhuga fyri at merkja grindina, um hon kemur inn á sandin í Vestmanna.
Tað var tó bert ein bátur hjá grindini, tá hon varð fráboðað, og grindin verður ikki rikin, sigur vakthavandi.
Tað er tí ikki greitt, hvørt grindin verður merkt ella ikki.
Deil á Facebook
