Fyri júst 40 árum síðani fyrireikaðu Liverpool og Juventus seg til at spæla Europa Cup-finaluna fyri meistaralið á Heysel leikvøllinum í Brüssel, men ófriður undan finaluni førdi til, at 39 fjepparar doyðu og fleiri enn 600 fingu skaða. Táverandi fyrisitingarstjórin í UEFA, Lars-Christer Olsson, rópti tað seinni “daprasta stundin í søguni hjá UEFA Cup-kappingunum.”
Ófriðurin byrjaði umleið ein tíma, áðrenn ásettu byrjanartíðina. Viðhaldsfólk hjá báðum feløgunum høvdu fingið pláss aftan fyri annað málið. Tað var bert ein lítil, fríur geiri, sum skilti báðar fjøldirnar. Knappliga byrjaðu partarnir at kasta fløskur og steinar yvir um hegnini eftir hvør øðrum. Tá fíggindskapurin alsamt øktist, breyt ein bólkur av Liverpool-viðhaldsfólkum ígjøgnum verjugarðin og inn á økið hjá Juventus-viðhaldsfólkunum. Juventus-fjeppararnir bakkaðu aftur ímóti einum múri, sum datt niður undir trýstinum. Av teimum 39 dripnu fjepparunum vóru 32 Juventus-viðhaldsfólk, meðan hini sjey vóru uttanveltað.
Tá ið Juventus-fjeppararnir í hinum endanum av leikvøllinum sóu, at teirra egnu viðhaldsfólk vórðu álopin, gjørdu teir ófrið og stríddust við løgregluna í yvir tveir tímar; eisini eftir, at dysturin var byrjaður (myndugleikarnir valdu at spæla dystin av ótta fyri, at avlýsingin fór at herða harðskapin – Juventus vann 1-0, tá ið franski miðvallarleikarin, Michel Platini, sendi eitt brotsspark í netið í 56. minutti – men tey fægstu mundu geva sær far um úrslitið, sum fjaraði burtur í syndarliga sorgarleikinum).
UEFA svaraði aftur við at banna bretskum feløgum frá europeiskum kappingum í fimm ár, meðan Liverpool fekk trý ára bann omaná (seinni minkað til eitt ár afturat). Bretska løgreglan kannaði hendingina og handtók at enda 27 fólk fyri óviljað manndráp. Í einum rættarmáli, sum varð hildið í Belgia, fingu 14 fólk – øll Liverpool-fjepparar – ein trý ára dóm.
Deil á Facebook
