FM1 sendir klokkan 10 beinleiðis frá tíðindafundi í FSF-húsinum, tá ið fyribils landsliðsvenjarin, Eyðun Klakstein fer at kunngera hópin til dystirnar í UEFA Nations League móti Armenia og Norðurmakedonia á útivølli seinni í mánaðinum.
Tað var mitt í farna mánaði, at fótbóltssambandið boðaði frá, at nú fyrrverandi landsliðsvenjarin, Håkan Ericson, var sendur til hús.
Samstundis var boðað frá, at U21-landsliðsvenjarin, Eyðun Klakstein, og hjálparvenjari hansara á U21-landsliðnum, Atli Gregersen, skulu standa á odda fyri manslandsliðnum landsdystirnar í UEFA Nations League móti Armenia og Norðurmakedonia. Hetta verður sostatt fyrsti landsliðshópurin hjá Eyðuni og Atla.
Dysturin móti Armenia er í Jerevan hósdagin 14. novembur kl. 17.00. Tríggjar dagar seinni, sunnudagin 17. novembur kl. 14.00, spæla Føroyar í Skopje móti Norðurmakedonia.
Føroyar eru á fjórða plássið aftast í bólki 4 í deild C í Nations League við 3 stigum. Norðurmakedonia er fremst við 10 stigum, meðan Aremenia og Lettland hava 4 stig.
Hósdagin 14. nov.
Kl. 17:00 Armenia – Føroyar í Jerevan
Sunnudagin 17. nov.
Kl. 14:00 Norðurmakedónia – Føroyar í Skopje
Stigatalva UEFA Nations League, deild c, bólkur 4
| Dystir | Mál | Stig | ||
| 1 | Norðurmakedonia | 4 | 8 – 1 | 10 |
| 2 | Armenia | 4 | 6 – 7 | 4 |
| 3 | Lettland | 4 | 3 – 8 | 4 |
| 4 | Føroyar | 4 | 4 – 5 | 3 |
Deil á Facebook
