Í dag sigur FM1 beinleiðis Lettland-Føroyar og Føroyar-Grikkaland (U21)

Bólturin rullar á FM1 í dag frá klokkan 16.30. Fyrstu løtuna hita vit upp til Nations League dystin Lettland-Føroyar í Riga, sum byrjar klokkan 17. Rúni á Reynatrøð sigur beinleiðis frá dystinum. Frá klokkan 17.30 fer Trygvi Absalonsen eisini at siga frá U21 EM-undankappingardystinum Føroyar-Grikkaland, ið verður spældur á vøllinum við Djúpumýru í Klaksvík. Aftaná báðir dystirnir eru spældir vera samrøður at hoyra frá A-landsliðsspælarum, U21-landsliðsspælarum og venjarunum.