Summarið nærkast, og tá eru tað fleiri, sum fara ein túr uttanlands í summarferiu. Men tað kemur meira enn so fyri, at fólk gerast kløkk, tá fráferðin nærkast, tí passið er útgingið ella við at ganga út.
Tí minnir Føroya Politi á fólk um at endurnýggja passið í góðari tíð, tí ofta tekur tað eitt sindur av tíð, áðrenn nýggja passið kemur fram.
Politiið skrivar soleiðis:
“Nú er tíðin aftur komin til at kanna, um passið er galdandi. Tað tekur nevnliga tríggjar vikur at fáa nýtt pass.
Til ber at kunna seg um at søkja pass á heimasíðuni https://politi.fo/pass
Frá 2. mai verða nýggjar upplatingartíðir:
Tórshavn:
mánadag, mikudag og fríggjadag kl. 10-15
týsdag og hósdag kl. 12-15
Flogvøllurin:
Mánadag, týsdag og hósdag kl. 10-15
Stongt mikudag og fríggjadag”.
Deil á Facebook
