Tað gjørdist sanniliga ein góður dagur hjá landsliðnum í fótbólti í Nations League í dag. Fyrst vunnu okkara menn ein stríðssigur móti Armenia á útivølli í Jerevan, og kvøldið gjørdist upp aftur betri, tá ið Norðurmakedonia í kvøld vann 1-0 móti Litava í okkara bólki
Tað úrslitið merkir, at Føroyar ikki kunnu flyta úr deild C niður úr deild D.
Føroyar eru í løtuni nummar tvey í bólki C4, og eru tryggjaðar í minsta lagi triðja plássið.
Um Føroyar vinna seinasta dystin móti Norðurmakedonia, ella Litava og Armenia spæla javnt í seinasta dystinum sunnudagin, enda Føroyar nummar tvey í bólkinum, og so sleppa okkara menn at spæla fyri uppflyting í deild B.
Stigatalva í Nations League bólki C4
| Dystir | Sigrar | Javnt | Ósigrar | Mál | Stig | |
| Norðurmakedonia | 5 | 4 | 1 | 0 | 9 – 1 | 13 |
| Føroyar | 5 | 1 | 3 | 1 | 5 – 5 | 6 |
| Armenia | 5 | 1 | 1 | 3 | 6 – 8 | 4 |
| Litava | 5 | 1 | 1 | 3 | 3 – 9 | 4 |
Deil á Facebook
