Umleið ein mánað undan dystinum móti Ferencvaros var Jonathan Johansson farin í feriu á Rhodos, tá KÍ-venjarin, Magne Hoseth, ringdi til hansara, tí hann hevði brúk fyri einum eykamálverja, og hann stóð væl í dystunum móti ungverska meistaraliðnum, og gjørdist eisini stóra hetjan, tá KÍ varpaði svensku meistararnar úr Champions League-undankappingini, tá hann bjargaði brotsspark í brotssparkskappingini.
Men svenski málmaðurin hjá KÍ, sum kom til felagið áðrenn summar skuldi eftir ætlan bara vera í Klaksvík til 31.august. Í dag er greitt, at sáttmálin millum partarnar er longdur.
– Nú hevur Jonatan longt til 31.desember og verður sostatt ein partur av hópinum restina av árinum og hetta gleðast vit sjálvsagt um, skrivar KÍ á heimasíðu sínari.
Heimasíðan skrivar eisini, at umframt at vera málverji hjá KÍ, so verður Jonathan eisini partur av Akademinum sum málmansvenjari í felagnum.
Søgan um KÍ-málverjan er farin víða um úti í heimi, tí í veruleikanum var hann givin at spæla fótbólt. Jonathan Johansson legði faktiskt málmanshandskarnar á hillina í 2021 og fór at arbeiða sum elektrikari í Oslo, men hann saknaði at spæla fótbólt, og fór tí at spæla sum miðverji í norsku 5. deild fyrr í vár.
Men tá ið KÍ-venjarin ringdi til hansara, meðan Jonathan var í feriu, ja, so er restin søga, ið talar fyri seg.
