Hesa vikuna, frá týsdegi 10. desembur til sunnudagin 15. desembur, svimja fýra føroyskir svimjarar um heimsmeistaraheitið á stuttgeil 2024 í Budapest í Ungarn.
Starvsnevndin í Svimjisambandi Føroya hevur úttikið fýra svimjarar til kappingina. Tey fýra eru:
- Elisabeth Erlendsdóttir úr Havnar Svimjifelag, 100 og 200 rygg
- Lea Osberg Højsted úr Ægir, 100 og 200 bringu
- Isak Brisenfeldt úr Havnar Svimjifelag, 100 og 200 firvald
- Líggjas Joensen úr Ægir, 400 og 800 frí
Eisini er meldað til allar tríggjar møguligar liðsvimjingar, í 4×50 frí, 4×50 blandað og 4×100 blandað fyri blandað lið.
Sambært svimjing.com, er málsetningurin at svimja seg til 32. pláss, sum er kravið til at vera á stigi 2 í nýggju úrvalsskipanini. Tað verður tó ikki lætt, tí luttøkan er stór og góð á hesi heimsmeistarastevnu.
Besta møguleika hevur helst Líggjas Joensen, sum er styrkismettur sum nummar 32 av 55 í 400 frísvimjing.
Við svimjarunum í Ungarn eru landsliðsvenjarin Rúni Gaardbo, og ferðaleiðari er og Bjørg Ólavsdóttir.
Á myndini, sum Svimjisambandi hevur lagt á Facebook, er partur avferðalagnum á veg til Budapest. Líggjas Joensen, sum svimur í Danmark og Elisabeth Erlendsdóttir, sum svimur í USA, komu í ferðalagið seinni.
Mynd: Danny Osberg Højsted
Deil á Facebook
