Hann vann føroyska meistaraheitið við HB í 2020, flutti niður við Horsens hetta kappingarárið, men komandi tíðina skal Jens Berthel Askou føra IFK Göteborg upp á toppin aftur í svenskum fótbólti.
IFK Göteborg liggur í løtuni nummar 14 í Allsvenskan við bert sjey stigum eftir 11 dystir.
Jens Berthel var venjari hjá HB í 2020, har hann vann The Double, áðrenn hann gjørdist venjari hjá AC Horsens í 2021. Jens hevði sáttmála við Horsens í eitt ár afturat, men nú steðgar samarbeiðið í úrtíð, eftir at IFK nú hevur keypt hann úr sáttmálanum.
Deil á Facebook
