Kappingarárið 2025 í fimleiki byrjar við fyrstu steypakappingini í estetiskum fimleiki, sum verður í Høllini á Hálsi í morgin. Hetta er eitt serligt ár, tí fyri fyrstu ferð eru heilar tríggjar steypakappingar á skránni.
Kappingin byrjar kl. 12.45 við innmarsji og verður væntandi liðug umleið klokkan 16.00.
Fýra feløg hava meldað luttøku við 21 liðum í alt. 5 pinkulið, 7 smágentulið, 5 gentulið, 1 unglingalið, 2 kvinnulið og eitt kvinnulið í short program fara at kappast og tey koma úr hesum feløgum:
- Fimleikafelagið Ljósið
- Havnar Fimleikafelag
- Fimleikafelagið Støkk
- Klaksvíkar Fimleikafelag
Kappingin verður stroymd á heimasíðuni hjá Kringvarpinum